11. Literarisches Adventfenster

Weihnachtszauberwort Knirschschnee

Knirschschnee

Was isch oh des? Des isch mi Weihnachtszauberwort. Bi dem Stress und dära Hetzerei vor Winächta  vergoht miar mengmohl dr Zauber. Früar isch dr Advent und des Warta ufs Chrischtkind für mi a zauberhafte Zit gsi, bsundrig wenns gad gschneit hot. Oh hüt no, wenn`s Liacht verduss uf zmohl ganz andersch würd und dr Schnee uf dr Wisa glenzt wia a Sidadecke, züchts mi ussi. Di bißig Kälte rötet jeds frei Hutfläckle  und bim Schnufa stond miar ganze Wolka voram Gsicht. A da Finger und  Zeha fochts mi a zum negla und drum lauf i so schnäll i ka. Wenn denn dia Kälte da ganza Lärm gschluckt hot und alls schtill isch, hör i, wia untr mina Schritt dr Schnee knirscht und zwüschatdri nu s´Riba vom Stoff vo da Schihosaröhrle zum höra isch. Eppa amohl rieslat a Wolka Schnee vo da Zweig, immr denn, wenn des Knirscha a Vögele ufgschreckt hot. Ma mänt, ma sei ganz allänig uf dr Wält, alle Sorga und allr Stress isch witt furt.

Mi Winterweihnachts-Zauberwort kunnt all Johr widr. Immer, wenn´s erschte Mohl afocht zum Schneia kunnts vöra. Ma muaß si nu Zitt neh zum Schneestapfa. S´Knirscha und dr Zaubr und d`Fröd uf d`Wihnachtszit kond denn ganz vo säll.

Text: Irma Hirschauer/Nenzing
Foto: Roman Gantner, Irma Hirschauer/Nenzing

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google+ Foto

Du kommentierst mit Deinem Google+-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s